Shkollimi dhe emancipimi i grave është një ndër sfidat më të mëdha të shoqërisë në dekadat e fundit si dhe një ndër aspiratat e tyre më të mëdha.
Aktivistët e shoqërisë civile, qeveritë dhe instancat e tjera të përfshira në këtë nismë kanë lobuar dhe formuluar paketa ligjore si dhe kanë krijuar lehtësra, në mënyrë që gjinia femërore të jetë e favorizuar për tu përfshirë në jetën shoqërore dhe të dalin nga kafazi i tyre shtëpiak.
Ndër vite gratë janë portretizuar si gjinia që pastron, fshin shtëpinë, lan enët dhe rrit fëmijët, mirëpo dekadat e fundit kemi parë një përfshirje shumë ml të madhe të grave në shoqëri në pozicione të ndryshme drejtuese dhe si sipërmarrëse, e madje edhe në polikë që deri vonë ky profesion është parë si profesioni i burrave.
Por gjithsesi një studim i fundit ka dalë me disa rezultate të papritura dhe mjaft të kontestueshme sidomos nga gjinia femërore. Ky studim pohon se gratë nuk do mund të gjejnë partnerë ose të kenë fëmijë, nëse sistemi shkollor i Hungarisë i bën ato shumë më të zgjuara se burrat, ky është përfundimi i një studimi të pabesueshëm nga zyra shtetërore e auditimit, e cila është e afërt me Viktor Orban, kryeministrin e Hungarisë, shkruan The Telegraph.
Kur Orban mori pushtetin në vitin 2010, ai premtoi një “revolucion konservator” dhe analistët e tij thonë se dominimi i grave në arsimin e lartë mund të rrezikojë një rënie të nivelit të lindjeve, pasi gratë do të kenë më pak gjasa për t’u martuar dhe kështu më pak të ngjarë të martohen dhe të kenë fëmijë.
Që kur fitoi pushtetin, Orban ka tërhequr kritika për pikëpamjet e tij “konservatore” dhe për goditjen e tij ndaj lirisë së medias, migrimit dhe të drejtave të hom!ose!sualëve. Ai ka qenë prej kohësh në mosmarrëveshje me BE-në, e cila e akuzon atë për shkelje të standardeve demokratike dhe shkelje të shtetit të së drejtës.
Sipas studimit, vajzat dominojnë më shumë se djemtë në kolegj dhe për këtë arsye e kanë më të vështirë të takojnë partnerë që përputhen me nivelin e tyre intelektual.
Kjo “mund të çojë në një rënie të fertilitetit”, thuhet në raport. Në studim argumentohet se meqenëse 82% e mësuesve hungarezë janë gra, djemtë janë gjithnjë e më pak të edukuar, madje rrezikojnë të humbasin aftësitë tradicionale, të tilla si rregullimi i rubinetit që pikon ose kompjuterët e prishur.
Më tej argumentohet se nëse djemtë e rinj nuk lejohen të zhvillojnë aftësi sipërmarrëse, ata do të jenë më të prirur nga “probleme m3ndore dhe të sjelljes”. Sipas hulumtimit ku janë marrë në studim 700 prindër dhe mësues, tiparet femërore u konsideruan më të rëndësishme në edukim.
