Asllanin e bëjnë “kokë turku”, i japin notën më të ulët që është parë ndonjëherë

4 muaj më parë
Asllanin e bëjnë “kokë turku”, i japin notën më të ulët që është parë ndonjëherë

Kristjan Asllani po përjeton momentin më të keq që pas kalimit te Interi. Mesfushori shqiptar u aktivizua në minutën e 85 kundër Barcelonës dhe kishte rastin e artë.

Në minutat e fundit, djaloshi nga Elbasani, Kristjan Asllani u gjend përballë gjermanit Ter Stegen, por bëri më të vështirën duke mos gjetur portën.

Nëse lojtari i Kombëtares do të shënonte, atëherë Interi do të kalonte automatikisht në fazën tjetër të Champions League.

Për Eurosport, Asllani nuk meriton as notën 4, por 3: “Nuk gabohej ai rast në të 95. Kualifikimi matematik do të vinte dy raunde më herët. Ishte thjesht e papranueshme, shumë keq, nuk e justifikon asgjë”, shkruan Eurosport.

Menjëherë pas ndeshjes, të gjithë lojtarët e Interit shkuan që të ngushëllojnë Asllanin që e përjetoi shumë këtë moment.

Kritika kanë ardhur për Kristjan Asllanin edhe nga Diego Milito. Ky i fundit u shpreh se mesfushori shqiptar mëkatoi me rastin e humbur në minutën e fundit ndaj Barcelonës, pasi mund të kishte pasuar te shoku i ekipit për t’i dhënë fund historisë së kualifikimit.