‘Dritë në fund të tunelit’ për Travis Scott, reperi zgjidh padinë me familjen e viktimës në Astroworld!

4 muaj më parë
‘Dritë në fund të tunelit’ për Travis Scott, reperi zgjidh padinë me familjen e viktimës në Astroworld!

Së fundmi, reperi i njohur Travis Scott ka zgjidhur një padi në lidhje me tragjedinë në Astroworld të vitit 2021. Më 5 nëntor, 10 njerëz u ndanë nga jeta dhe qindra u plagosën pas përplasjes që ndodhi gjatë performancës së reperit në festivalin e tij në Houston, Teksas. Që atëherë, 31-vjeçari është emëruar si i pandehur në disa procese gjyqësore të ngritura nga familjarët e viktimës.

Një viktimë që ndërroi jetë në festival ishte 21-vjeçari Axel Acosta, i cili kishte udhëtuar nga Uashington për të marrë pjesë në festival. Në një deklaratë për shtyp të shpërndarë në Instagram, Tony Buzbee, një avokat i familjes së Axel, njoftoi se ishte arritur një marrëveshje “konfidenciale” midis klientëve të tij dhe atyre të përmendur në padinë e tyre. Duke ndarë një foto të Axel, ai shkroi:

Firma ligjore Buzbee njoftoi sot se pretendimet e ngritura nga familja e Axel Acosta kundër Travis Scott, Live Nation dhe të tjerëve të përfshirë në tragjedinë e Astroworld janë zgjidhur. Kushtet janë konfidenciale. Viktima Axel Acosta ishte një djalë, vëlla dhe student i dashur. Ai ishte i sjellshëm dhe i dashur. Ju lutemi mbani familjen e tij në lutjet tuaja.

Deklarata e Tony shënon shpalljen e parë publike të arritjes së një zgjidhjeje në mosmarrëveshjet ligjore të Astroworld. Një raport i mjekëve ligjorë i lëshuar në dhjetor zbuloi se të 10 personat ndërruan jetë nga asfiksia.

Rikujtojmë, se reperi po performonte para një turme prej rreth 50,000 njerëzish. Ai u kritikua për vazhdimin e koncertit për gati 40 minuta ndërsa trupat pa ndjenja u tërhoqën nga turma. Travis i ka mohuar akuzat për neglizhencë dhe tha se nuk ishte në dijeni të asaj që po ndodhte.