Do të jetë një javë vendimtare për të ardhmen korporative të Milanit. Ka shumë thashetheme për zbarkimin në Itali të emisarëve të RedBird Capital, fondi amerikan që tani është në pozicionin kryesor për të marrë shumicën e aksioneve.
Madje flitet për ardhjen me madhështi të vetë Gerry Cardinale, themeluesit të grupit dhe aksionerit mazhoritar. Ai do te mbyllë bisedat me Elliott Management për të blerë Milanin. Por familja Singer sipas të gjitha gjasave do të mbetet në klub me një përqindje më të vogël.
Ndërkohë, në këto orë merr formë një thashethem që do të ishte i bujshem, edhe nëse duhet konfirmuar apo mohuar zyrtarisht. Duket se RedBird ka kontaktuar së fundmi me një personazh që ka shënuar prej vitesh historinë e Milanit.
Sipas raporteve nga Il Sole 24 Ore, do të kishte pasur një shprehje interesi nga ana e Silvio Berlusconit. Po, ish-presidenti historik i Milanit, ai që zotëroi klubin nga viti 1986 deri në 2017, duke fituar praktikisht gjithçka në Itali, në Evropë dhe në botë.
Berlusconi do të kishte besuar, në mënyrë ironike, se ai kishte ndërmend të kthehej në Milano. Edhe nëse e tashmja e tij quhet Monza, një klub i Brianza qe e bleu së bashku me Adriano Gallianin për të provuar një ngjitje të re në futbollin që ka rëndësi.
Ironi apo dëshirë konkrete? Nuk dihet, por sfondi i raportuar nga gazetari Carlo Festa do të ishte i bujshëm. Duket se fondi Investcorp, i cili deri pak javë më parë ishte në pole position për blerjen e Milanit, ka kontaktuar Silvio Berlusconin për t’iu bashkuar kompanisë në ngjitjen drejt klubit kuqezi.
Bisedat e fundit mes Mohammed Al Ardhit dhe bashkepunetoreve të ish-kryeministrit italian kane qene te shumta. Ideja ishte të përfshihej Berlusconi, i tunduar nga pasioni i tij milanist, për të rritur kapitalin e korporatave.
Pra, Cavalieri do të kishte hyrë në kompani si një huadhënës i drejtpërdrejtë, me një përqindje pakicë te Milani i ri të markës Investcorp. Pavarësisht këtyre kontakteve, arabët u tërhoqën zyrtarisht nga gara për Milanin, e cila sipas të gjitha gjasave do t’u kalojë amerikanëve të RedBird.
Cardinale po kërkon gjithashtu huadhënës më të vegjël për të shmangur mbështetjen në obligacione ose kredi bankare. Kush e di se Fininvest mund të mos mendojë të perfshihet gjithashtu me fondin me origjinë nga Dallas.
