Afrimi i parë për sezonin 2022/2023 duhet të jetë Divock Origi, gati për të fluturuar drejt Italisë javën e ardhshme për t’iu nënshtruar ekzaminimeve mjekësore dhe për të nënshkruar kontratën. Gianluca di Marzio thote se diten e hene mberrin belgu dhe te marten jane rezervuar vizitat…
Gjithashtu javen tjeter duhet te zyrtarizohen edhe Alessandro Florenzi nga Roma dhe Junior Messias nga Crotone si operacione tashmë të vendosura. Një tjetër marrëveshje e sipër ka të bëjë me Renato Sanches, me të cilin drejtuesit e kuqezinjve kanë një marrëveshje prej disa kohësh.
Problemi është se nuk ka marrëveshje me Lille dhe përfshirja e Paris Saint Germain ka komplikuar gjithçka. Nënshkrimi i mesfushorit portugez është në rrezik edhe pse vullneti i tij po behet vendimtar.
Sot La Gazzetta dello Sport konfirmon se Hamed Junior Traoré është ndër lojtarët që i pëlqen Milanit. Klubi kuqezi i ka telefonuar tashmë Sassuolo-n për të kërkuar informacion mbi 22-vjeçarin nga Bregu i Fildishtë. Nuk ka asnjë ofertë për momentin.
Vetëm Leeds United ka dalë konkretisht dhe synon të mbyllë marrëveshjen. Skuadra angleze, megjithatë, nuk është një nga destinacionet e preferuara të Traores. Në Premier Ligën e fundit ai rrezikoi rënien nga kategoria dhe për momentin lojtari preferon të shqyrtojë opsione të tjera.
Ditët në vijim mund të jenë ato nga kontaktet më intensive mes Milanit dhe Sassuolos, të cilët duan nga 25 milionë euro e lart për xhevahirin e tij. Sassuolo është shpesh një dyqan i shtrenjtë kur bëhet fjalë për shitjen e futbollisteve të saj më të mirë, por është gjithashtu e gatshme të ngrejë operacione me bonuse, pagesa të shtyra dhe ndonjëherë edhe hua me detyrime blerje të kushtëzuara.
Mendoni vetëm për Manuel Locatelli, i cili shkoi në Juventus në një huazim dyvjeçar pa pagesë me detyrimin për të blerë kartonin në rast të kushteve specifike. Traoré shënoi 8 gola dhe 4 asistime në 32 paraqitje në Serie A dhe Coppa Italia sezonin e kaluar.
Ai di të luajë si mesfushor sulmues dhe gjithashtu si anësor i majtë sulmues. Në disa raste ai është përdorur edhe si mezzala. Ai ka cilësi të shkëlqyera dhe mund të jetë i dobishëm për Milanin. Do të shohim nëse transferimi do të realizohet apo kuqezinjtë do të shkojnë drejt një gol tjetër.
Madje, sipas ambjenteve kuqezi “eshte talenti i vetem i paster i Sassuolos por me pak i sponsorizuari nga emrat qe qarkullojne pasi i jepet me shume jehone italianeve si Frattesi, Raspadori dhe Scammacca”.
