Merkato e Milanit më në fund ka levizur. Pas një ngërçi për shkak të problematikave të ndërrimit të pronësisë, RedBird duket se ka dhënë dritën jeshile për nisjen e negociatave. Mënjanë rasti Divock Origi, për të nuk kishte nevojë për negociata pasi mbërriti në Milano si një transferim i lirë. Tani mund të fillojë merkato e vertete e kuqezinjve.
Ka shumë të panjohura, pak siguri. Gjithmonë ka shumë emra në listën e dëshirave të Maldinit dhe Massara, por në fund ka pak vende të disponueshme. Dhe mbi të gjitha, operacionet duhet të vlerësohen, veçanërisht nga pikëpamja ekonomike. Idetë e fondit të ri amerikan nuk përfshijnë shpenzime të tepërta, ndaj dyshja drejtuese do të duhet të jetë e mirë në gjetjen e lojtarëve të duhur me çmimin e duhur.
Deri më tani nuk duket të ketë qenë një problem i madh për Paolo dhe Frederic, duke qenë se dyshja ishte themelore për fitoren e një Scudetto që i mungonte për njëmbëdhjetë vjet te Milan.
Tani ka përditësime të reja mbi hapat përpara në funksion të merkatos. Siç raportohet nga La Gazzetta dello Sport, kuqezinjtë janë duke vlerësuar tre lojtarë të Paris Saint-Germain. I pari prej tyre është Diallo, mbrojtës. Për këtë foli edhe Gianluca Di Marzio, i cili pranoi se për lojtarin interesim ka pasur edhe ne te shkuaren.
Francezët duhet të shesin dhe kjo është arsyeja pse dyert po hapen edhe për lojtarë të tjerë. Mes tyre është Kehrer, një tjetër mbrojtës që duket se nuk përshtatet më në planet e pariszenëve, si dhe Draxler, mesfushori sulmues.
Ky për momentin duket të jetë emri më tërheqës, veçanërisht në rast se Milani nuk duhet të mbyllë realisht goditjen e Renato Sanches, pikërisht për shkak të presingut të Paris Saint-Germain.
