Kapiteni i Skënderbeut, Zguro tregon problemin kryesor të futbollit në Shqipëri dhe ka shumë të drejtë

6 muaj më parë
Kapiteni i Skënderbeut, Zguro tregon problemin kryesor të futbollit në Shqipëri dhe ka shumë të drejtë

Kapiteni i Skënderbeut Vangjel Zguro ka shprehur opinionin personal mbi eleminimin e ekipeve shqiptare nga Kupat e Europës.

Zguro nuk përmbahet duke vënë gishtin mbi “fajtorët” të cilët i sjellin të keqen futbollit në Shqipëri. Nuk ka nguruar të tregoj që kampionati ynë është një nivel më i lartë se kampionatet e rivalëve të ekipeve shqiptare në Europë.

Vangjel Zguro shprehet në statusin e tij: “E them me bindje se në futbollin shqiptar ka shumë talente, e them me bindje se është shumë herë ligë më e fortë se e Maqedonisë, Kosovës, Malit te Zi, Bosnjës, Bullgarisë, Estonisë, Luksemburgut.

Por problemi tek futbolli jonë është tek njerëzit, tek servilët, tek ata që fusin hundët, tek njerëzit e padrejtë, dhe përderisa këta njerëz te jenë, ne kurrë s’do ngrihemi lart, dhe pse kemi futboll më të fortë se këto vende që thash pak më lart.

Jo se këto vende s’kanë nga këta njerëz por në këto vende nuk i dëgjon kush këta njerëz. Mundohuni ti largoni servilët nga futbolli, mundohuni t’i zhdukni disa njerëz që kanë nga 100 vjet nëpër poste, nëpër ekipe, nëpër studio sepse këta janë e keqja e futbollit shqiptar.

Me shumë respekt, mendimi i një Futbollisti të kampionatit shqiptar. Respekte nga Vangjel Zguro”. Nje reagim shume i forte ky i kapitenit te korcareve.

Kapiteni i Skënderbeut, Zguro tregon problemin kryesor të futbollit në Shqipëri dhe ka shumë të drejtë