Lajm i habitshëm! Chelsea kërkon Thomas Strakoshën?

8 muaj më parë
Lajm i habitshëm! Chelsea kërkon Thomas Strakoshën?

Lajm i bujshëm në merkato. Gjigantët e Chelsea janë duke konsideruar afrimin falas të gardianit kuqezi, Thomas Strakosha. 27 vjeçari pas 10 vitesh largohet nga Lazio, duke qenë ndër lojtarët e kërkuar në merkato.

Eksperti i merkatos, Fabrizio Romano tregon se Strakosha është duke u konsideruar për një kalim në Londër, në rast se portieri tjetër i Chelsea, Kepa largohet këtë verë.

“Thomas Strakosha tërheq vëmendjen dhe interesin si transfer i lirë. Chelsea po e konsideron portierin shqiptar si një opsion, por vetëm në rast se Kepa largohet këtë verë nga klubi”, shkruan Romano.

Nderkohe portieri tjeter kuqezi, Etrit Berisha, e kaloi sezonin e sapo përfunduar në huazim tek Torino në elitën e futbollit italian.

Në fakt, kartoni i gardianit të kombëtares i përket klubit të SPAL.Megjithatë sipas asaj që raporton një ekspert i merkatos në Itali si Nico Schira, klubi i Torinos është bindur nga paraqitjet e 33-vjeçarit dhe ka ndërmend ta transferojë përfundimisht në veriun e Italisë.

Shuma që Torino do të duhet shpenzojë për të marrë pronësinë e Berishës do të jetë 1 milionë euro, teksa për një shifër të tillë SPAL e lë të lirë portierin.