Meta dhe Kryemadhi në SPAK, avokati: Fshehen para, 290 mijë euro për operacionet plastike

9 muaj më parë
Meta dhe Kryemadhi në SPAK, avokati: Fshehen para, 290 mijë euro për operacionet plastike

Kreu i Partisë së Lirisë, Ilir Meta, është kallëzuar sërish në SPAK bashkë me bashkëshorten e tij Monika Kryemadhi. Kësaj radhe, paditësi është avokati Idajet Beqiri, i cili e akuzon çiftin se kanë fshehur të ardhurat ndërkohë që janë shpenzuar shuma të mëdha parash për operacione plastike.

Në padinë e tij, Beqiri radhit dy raste kur sipas tij Meta dhe Kryemadhi kanë kryer trajtime mjekësore me vlera kolosale. Trajmi për Kryemadhin është bërë në San Marino me një vlerë rreth 290 mijë euro, kurse Meta është trajtuar në Vjenë përgjatë viteve 2013-2014.

Pjesë e padisë janë edhe dy fëmijët e çiftit Meta, Besari dhe Bora. Një risi kjo në situatën ku ndodhen kryetarët e Partisë së Lirisë. Meta bëri protestë kundër iniciatorëve, por u la i vetëm nga Berisha.

Kjo është padia e dytë ndaj Metës në SPAK krahas asaj të ish-deputetit Halit Valteri, i cili regjistroi një padi ndaj Presidentit të asaj kohe me argumentin se kishte kryer korrupsion dhe se duhej të përgjigjej.

Pjesë e asaj padie janë edhe Monika Kryemadhi si edhe Vangjel Tavo. Ai i akuzon ata për korrupsion aktiv dhe pasiv në sektorin privat, për fshehje të pasurisë, mospagim të taksave dhe tatimeve dhe shpërdorim detyre.

Valteri theksoi se dispononte të dhëna që ngrenë dyshime për konsumimin e këtyre veprave penale. Radha për të folur kundër Metës ishte e avokatit Idajet Beqiri./abcnews.al