Paolo Maldini ishte shumë i qartë në intervistën e fundit të dhënë për La Gazzetta dello Sport. Milan ka nevojë për disa përforcime të nivelit për t’u konsoliduar në Serie A dhe gjithashtu për të qenë protagonist në Champions League.
Disa goditje kushtojnë para dhe do të duhet të kuptojmë se cili do të jetë buxheti për merkaton e verës së Milanit. Drejtori teknik mezi pret të flasë me dikë nga kompania amerikane RedBird, i cili së shpejti duhet të bëhet pronari i ri i klubit. Sigurisht që nuk do të bëjmë blerje të çmendura, por disa investime te zgjuara…
Llogaritë e buxhetit po përmirësohen dhe duhet të japin pak më shumë hapësirë për manovrim në fushatën e blerjeve. Rezultatet sportive të marra, në veçanti Scudetto, duhet të tërheqin sponsorë të rinj dhe gjithashtu të bëjnë të mundur ridiskutimin e kushteve ekonomike të marrëveshjeve të vendosura tani me partnerët aktualë.
Milani duhet të forcohet në çdo repart dhe javët e fundit disa emra janë bashkuar me skuadrën e Stefano Piolit. Mes tyre është edhe ai i Nicolò Zaniolo-s, fituesi i freskët i Ligës së Konferencës me Romën. Numri 22 verdhekuq mund të luajë në krahun e djathtë, mesfushor sulmues dhe madje edhe sulmues të dytë. Përveçse ka cilësi të shkëlqyera teknike, ai është edhe taktikisht i dobishem.
Kontrata e tij skadon në qershor të vitit 2024 dhe pa rinovim ai do të shitet tashmë në vere. Klubi i Roma-s nuk dëshiron të rrezikojë ta sjellë lojtarin një vit para afatit te skadences dhe të mbledhë më pak se sa do të mblidhte duke e shitur atë në korrik-gusht 2022.
Drejtori sportiv Tiago Pinto duhet të takojë Claudio Vigorelli, agjentin e Zaniolos, për të folur për të ardhmen. Megjithatë, Corriere dello Sport sqaron se nëse vijnë oferta mbi 40 milionë euro, Roma është gati ta shesë lojtarin.
Këtë ai ia ka komunikuar tashmë të interesuarit, i cili nuk i pëlqen vetëm Milanit. Ne Italin janë të interesuar edhe Juventusi dhe Napoli. Për momentin nuk ka asnjë propozim konkret, por në javët në vijim mund të dalin disa klube te tjera.
Roma duhet të bëjë disa shitje gjatë verës, duke mos pasur një bilanc te mire, dhe Zaniolo mund të “sakrifikohet” pasi kjo do t’i lejojë ata të marrin një shumë të shkëlqyer dhe të bëjnë një fitim të konsiderueshëm kapital.
Të mendosh se 15% do të shkonte te Interi, nga i cili e morën verdhekuqte. Për José Mourinhon nuk është një element i paprekshëm dhe për këtë arsye e ardhmja e talentit italian mund të jetë larg kryeqytetit.
