Njerëzit nuk martohen dot dhe nuk bëjnë dot shërbime të tjera, bllokohet sistemi i gjendjes civile në disa qytete

1 javë më parë
Njerëzit nuk martohen dot dhe nuk bëjnë dot shërbime të tjera, bllokohet sistemi i gjendjes civile në disa qytete

Zyrat e gjendjes civile kanë ndaluar së funksionuari në shumë qytete të vendit, duke përfshirë Lezhën, Shkodrën, Durrësin, Elbasanin dhe Vlorën.

Në Durrës sistemi online i gjendjes civile është jashtë funksionit. Ndërsa po punohet për rikthimin në punë të sistemit.

Në sportelet e gjendjes civile nuk ofrohet shërbim për qytetarët e interesuar për dokumentacion që lidhet me ndarjet, vdkjet, martesat e të tjera shërbime të nevojshme që ofrohen në sportele për qytetarët.

Në Lezhë dhe Elbasan gjithashtu ka pasur mungesë të sistemit, ku qytetarët nuk po marrin shërbime. Edhe zyrat e gjendjes civile dhe ALEAT në Shkodër janë jashtë funksioni.

Punonjësit thonë se sistemi nuk funksionon prej pak orësh dhe qytetaret nuk mund të marrin shërbimin e kërkuar. Në zyra, janë vendosur edhe tabelat informuese për qytetaret ku thuhet: Nuk funksionon sistemi.

Ndërkohë nga nesër e në vijim është premtuar që do zgjidhet problemi dhe puna do vazhdojë normalisht në këto gjendje civile që kanë pasur probleme.