Bora Zemani dhe Donald Veshaj janë çifti më i komentuar i momentit. Ndonëse nuk e kanë pranuar publikisht, ata janë duke shijuar lidhjen e tyre.
Së fundmi, dyshja janë fotografuar në një restorant në Prishtinë, teksa po darkonin dhe bisedonin me njëri-tjetrin qetësisht.
Vihet re që çifti ndihen shumë mirë së bashku dhe të pashqetësuar nga askush. Kujtojmë që aktualisht po përflitet se Bora dhe Donaldi do të jenë pjesë e të njëjtit spektakël, por ende nuk ka një konfirmim.
Me 1 shtator me rastin e ditelindjes, Donald Veshaj ka publikuar këngën e tij më të re, me titull “Hesht”. Ai zgjodhi që videoklipin ta ndante me fansat në ditën e tij të lindjes, duke i surprizuar të gjithë.
Mirëpo, ajo që është befasuar më tepër duket se është moderatorja Bora Zemani, pasi teksti duket një dedikim për marrëdhënie e tyre.
Ndër të tjera në një varg të këngës, Donaldi thotë: “Pse nuk po na lënë të jemi bashkë”. Mesa duket tani që dyshja janë rikthyer së bashku kanë nevojë për privatësinë e tyre, por fansat janë gjithmonë e më shumë kuriozë.
