Sot Divock Origi u prezantua sot zyrtarisht në shtyp si nënshkrimi i parë i Milanit për sezonin futbollistik 2022-2023. Ai foli per mediat dhe iu pergjigj te gjitha pyetjeve qe gazetaret i shtruan.
Çfarë ndjesie kishit në dhjetor në San Siro te Milan-Liverpool? “Ndjeva dridhje të mëdha dhe entuziazëm të madh që ishte atje në stadium. Kur Milani shënoi, ndjeva shtysën e tifozëve. Është e mrekullueshme të ndjesh këtë përafrim mes tifozëve dhe ekipit. Kjo është gjithashtu ajo që e bën një klub të madh. .”
Ju dhe Giroud shpesh shënoni gola të rëndë. A është një tipar që keni të përbashkët? “Kam ndjekur të gjithë rrugëtimin e Milanit në ligë. Pashë golat e rëndë të Giroud. Ne sulmuesit duhet të përpiqemi gjithmonë të japim goditjen vendimtare, por kjo vjen me punë dhe duke qenë gjithmonë gati me përgatitet, pastaj vijnë rezultate të caktuara. Unë gjithmonë përpiqem të jap më te miren”.
Kur zgjodhët Milanin dhe pse zgjodhët Milanin? “Ne patëm disa kontakte në fund të sezonit, por unë isha i fokusuar te Liverpool. E kuptova menjëherë se sa i rëndësishëm ishte projekti i Milan. Këtu ka një projekt të veçantë, unë e ndava plotësisht atë, dhe trashëgiminë e Milan, historia e veçantë është ideale për mua për mentalitetin tim.
Për mua është një nder të jem pjesë e saj. Ky klub ka një trashëgimi që është transmetuar brez pas brezi. Të jem në gjendje të sjell cilësitë e mia në shërbim të grupit është një nder”.
A ka ndonjë lojtar kuqezi nga e kaluara që e vlerësoni veçanërisht? “Ka shumë lojtarë që kanë qenë pjesë e historisë së Milanit. Është e vështirë të përmend një emër të vetëm, mendoj për shembull Van Basten, Sheva dhe Inzaghi. Më duhet të mësoj prej tyre, por të bëj rrugën time”.
Çfarë mund t’i sjellësh këtij Milani? “Është shumë e rëndësishme të kesh një rol vendimtar dhe të jesh një vlerë për grupin. Për mua procesi i rritjes është i rëndësishëm, unë duhet të përmirësohem gjithmonë në stërvitje dhe në lojë për të jetuar kohë të mira me tifozët. Nuk e di se kur do të mbërrijnë këto momente, por qëllimi është t’i gezojme tifozët.”
Sa e rëndësishme ishte të flisje me Maldinin dhe Massara? “Biseda me ta ishte vendimtare. Maldini ishte një nga lojtarët më të rëndësishëm në botë, ai është shembull për mua. Massara po bën një karrierë fantastike si drejtues. Këta menaxherë kanë sjellë vlera të rëndësishme. Jam mirënjohës që jam pjesë e grupit… E di sa të rëndësishme janë themelet që kanë ndërtuar, jam i nderuar që drejtohem nga menaxherë si ata.”
Si jeni? Kur do të jeni në dispozicion të Piolit? “Ndoshta nga jashtë u shfaq e amplifikuar kjo histori lëndimesh, por te Liverpool kam shkruar histori në fushë. Lëndimet më ndihmuan të njoh më mirë trupin tim, u ktheva më i fortë. Ndihem mirë, jam gati të filloj këtë aventurë të re. “.
Në karrierën tuaj keni shënuar shumë gola në derbi… “Nuk e di nëse ka ndonjë sekret, por mendoj se është thelbësore të jesh gjithmonë gati. Më pëlqejnë shumë ndeshjet speciale si derbi kundër Interit, por dua të jap maksimumin në çdo ndeshje.”
Sa ndryshon futbolli italian nga Premier League? “Janë dy liga të ndryshme. Unë pata fatin të luaja në liga të ndryshme, të gjitha janë situata të ndryshme. Futbolli italian është shumë taktik, ka konkurrencë të madhe. Në Premier ka fizik më të madh. Mund të mësoj shumë nga futbolli italian .”
Çfarë përfaqëson për karrierën tuaj kjo përvojë në Milano? “Jam mirënjohës për rrugën time. Unë kam qenë te Liverpool për shumë vite dhe jam shumë i lumtur me këtë. Është e rëndësishme të vë cilësitë e mia në shërbim të grupit. Jam këtu për të dhënë më të mirën time për ekipin dhe për tifozët. Jam i kënaqur me mirëpritjen.”
Keni folur tashmë me Piolin? A keni njohur tashmë ndonjë nga shokët tuaj të rinj? “E vlerësova pritjen e bukur që pata. Ndihet kohezioni i madh që ekziston në grup. Kam biseduar me Piolin, mund të them se kemi një entuziazëm të madh për ta nisur këtë rrugëtim së bashku. Presim shumë nga ky rrugëtim. Këtu te Milan ndjen bashkimin e madh që ekziston, trajneri ka bërë një punë të madhe. Unë do të bëj gjithçka që është e mundur për ta thithur sa më shpejt këtë frymë”.
Pse Milani duhet të fokusohet te De Ketelaere? “Nuk kam pse t’u them asgjë drejtuesve, ata do të dinë të marrin vendimet e duhura për klubin”.
Keni një mesazh për Lukakun? “Lukaku është një lojtar i madh, unë duhet të luaj kundër tij dhe më pëlqen gjithmonë të përballem me lojtarë të mëdhenj. Sigurisht që është bukur të jesh në Serie A me kaq shumë lojtarë me këto cilësi. Do të jetë mirë të luaj kundër tij.”
