Përse fëmijët sot duken më të rritur se prindërit e tyre dikur?

1 muaj më parë
Përse fëmijët sot duken më të rritur se prindërit e tyre dikur?

Të gjithë besoj e kemi vënë re që fëmijët e sotëm janë më të zhvilluar fizikisht se sa ishin prindërit e tyre dikur. Ata kanë një zhvillim më të shpejtë dhe mosha e pubertetit sa vjen dhe ulet.

Kohët kanl ndryshuar dhe shumë nga ne shprehen se ‘kanë ardhur kohë të vështira’, por tani nuk bëhet më fjalë për bukën e gojës, por për faktin se fëmijët rriten nën presionin që të rriten më shpejt.

Sondazhet tregojnë se shumë prindër mendojnë se fëmijët e tyre nuk janë më fëmijë kur kalojnë një moshë të caktuar, së paku 10-vjeçare. Prindërit sillen me fëmijët sikur ata dinë dhe kuptojnë gjithçka, e fëmijët dhet të përshtaten me këtë gjë.

Brezi i ri po vihet nën presion për t’u rritur më shpejt. Kjo do të thotë se vajzat në moshën 10 vjeç shqetësohen më shumë për peshën, për shembull, ndërsa djemtë po shtyhen në sjelljet e tipit “macho”. Në një studim të publikuar nga Bright Sida paraqiten disa nga arsyet se përse ndodh kjo:

Produktet e kujdesit personal
Vitet e fundit, industria kimike ka arritur një nivel të ri zhvillimi dhe ky përparim na e ka bërë jetën më të lehtë. Por shumë kozmetikë dhe produkte të kujdesit personal përmbajnë elementë që mund të ndikojnë negativisht në trupin tonë.

Sipas hulumtimeve, disa kimikate imitojnë estrogjenin dhe mund të përshpejtojnë pubertetin. Fëmijët e ekspozuar ndaj këtyre kimikateve para lindjes mund të arrijnë pubertetin më herët. Fëmijët në rritje mund të jenë gjithashtu veçanërisht të prekshëm, pasi ata janë të ekspozuar ndaj produkteve të tilla të kujdesit të përditshëm.

Ushqyerja
Një dietë me yndyrë të lartë në fëmijëri mund të çojë në pubertet të hershëm. Kultura e të ushqyerit tek fëmijët modernë lë shumë për të dëshiruar. Ushqimi i shpejtë është zakonisht i lartë në sheqer, kripë dhe yndyrna të ngopura. Kjo, nga ana tjetër, çon në obezitet. Studimet e fundit tregojnë se obeziteti i fëmijërisë dhe puberteti i parakohshëm janë të pandashëm.

Teknologjia dixhitale
Brezi i ri konsumon sasi të mëdha informacioni çdo ditë përmes mediave sociale. “Influencuesit” modernë, muzika, moda dhe kultura mediatike i detyrojnë fëmijët të rriten më shpejt. Për këtë arsye, ata fillojnë të shqetësohen për pamjen dhe peshën e tyre që në moshë të vogël.

Ndryshimi i klimës
Shkencëtarët kanë filluar të shohin lidhjen midis pubertetit të hershëm, ndotjes masive dhe mënyrës së jetesës, e cila është rezultat i ndryshimeve klimatike. Një klimë më e ashpër mund të bëjë që fëmijët të kalojnë shumë më tepër kohë brenda në vend që të jenë aktivë jashtë. Kjo mënyrë jetese redukton sasinë e melatoninës, e cila më pas nxit trupin të kalojë në pubertet.

Fëmijët kalojnë më pak kohë jashtë
Në ditët e sotme, fëmijët kalojnë shumë më tepër kohë brenda, kryesisht falë teknologjisë. Interneti u bë një zonë argëtimi, për ta në vend të lojërave aktive falas. Izolimi dhe mungesa e aktiviteteve kontribuojnë në rritjen e niveleve të stresit. Stresi në fëmijërinë e hershme çon në maturimin më të shpejtë të disa zonave të trurit gjatë adoleshencës.