Mbrëmjen e 25 Gushtit Air Albania u mbush plot me ndjekësit e rregullt të sportit të boksit si dhe të gjithë përkrahësit e boksierit shqiptar Florian Marku.
Marku zhvilloi ndeshjen me meksikanin Miguel Parra dhe arriti të rrëmbente fitoren përmes pikëve. ishin gj*qtarët ata që e përcaktuan këtë fitore në mlnyrë unanime.
Të gjithë u gëzuam për këtë fitore dhe e ngritëm në ‘qiell’ Markun tonë, mirëpo diku nga ‘një cep i Shqiprisë’ ka pasur disa pakënaqësi nga trajnerët dhe boksierët e tjerë të cilët kanl fituar tituj, por nuk kanë pasur këtë famë që po gëzon Florian Marku.
Ka qënë trajneri i ekipit kombëtar të boksit Sead Bushati, i cili ka reaguar lidhur me këtë çështje. përmes një postimi ai ka sqaruar se ka edhe kampionë të tjerë të cilët janë vërtetë të tillë dhe duhet t’u jepet më shumë vëmendje nga institucionet.
Ai shprehet se ndeshja që u zhvillua në Air Albania u dominua nga Parra, pavarësisht se u fitua nga Marku. Ai më tej sqaron se arsyeja se përse po e bën statusin është Marku po trumpetohet si sportisti më i mirë, por në të vërtetë ka sportistë edhe më të mirë se ai.
Statusi i tij i plotë:
TË RINJTË KANË NEVOJË PËR SHEMBUJ SUKSESI DHE JO PËR SHOW
Nga Sead Bushati
Duke iu referuar ndeshjes së mbrëmshme ndërmjet Florian Markut dhe boksierit meksikan Miguel Parra, si specialist i ketij sporti, Dr. Shkencash, Pedagog në UST, dhe trajner i Ekipit Kombetar, nuk mund të rri pa sqaruar sportdashësit shqiptar mbi hipërbolizimin e kësaj ndeshje, e cila per hir të së vërtetës la shumë për të deshiruar.
Ndeshja u dominua nga boksieri meksikan packa se u fitua nga Marku. Në disa media dhe portale thuhet se Florian Marku është boksieri më i mirë shqipëtar, ndaj mora iniciativën të bëj këtë sqarim dhe të vendos meritën aty ku duhet. Shqipëria ka sportistë të cilët qëndrojnë shumë më lart se Florian Marku.
Boksieri Alban Beqiri shkroi historinë e boksit shqiptar në Beograd, duke u rënditur i treti në Botë dhe Kampion Ballkani.
Boksieri Denis Nurja, kampion Ballkani.
Indrit Laci, nënkampion Ballkani.
Rexhildo Zeneli, nënkamion Ballkani.
Krenar Zeneli, nënkamion Ballkani.
Ariol Zeneli, nënkampion Europe dhe dy herë medalist në Europë.
Jurgen Uldedaj, dy herë medalist Europe, kampion bote në WBC (Junior).
Aleksandër Ramo dhe Alban Barmeta me karrierë profesioniste.
Duke parë kontributët që boksierët tanë i kanë dhënë Shqipërisë, natyrshëm lind pyetja:
Po Florian Marku çfarë ka dhënë për vendin?
Ae ka përfaqësuar ndonjëherë vendin në konkurse institucionale ndërkombëtare?
Vetëm show, asgjë më shumë. Ndjehëm i keqardhur dhe i pezmatuar që boksierët tanë që ngritën lart Flamurin Kuq e Zi dhe na përfaqësojnë denjësisht, nuk u pritën siç u ka hije kur kanë ardhur me medalje ndërkombëtare!
Janë ngritur në këmbë Bashki e Kryeministri për të organizuar një pritje madhështore për Florianin, ndërkohë që për të tretin e botës, z.Kryeministër nuk denjoi as ta priste në zyrën e tij.
Alban Beqiri nuk ofron show, nuk ka kohë për show se t’ia dalësh për të qenë i treti në botë, duhet mund, duhet punë, shumë punë.
Miqësisht, kërkoj nga mediat dhe portalet të jenë
më të kujdeshëm kur dalin në deklarata të tipit “Mbreti i boksit shqiptar”, për sportistë që nuk e meritojnë, pasi po demotivohen profesionistët e vërtetë.
Të jesh boksier elite në arenën e boksit dhe boksier instagrami e rrjetesh sociale, janë dy gjëra komplet të ndryshme.
Le të jemi të gjithë pak më të kujdesshëm dhe të motivojmë rininë drejt vlerave që sjell puna, mundi dhe përkushtimi i vazhdueshëm. Rinia jonë ka nevojë për modele, të rinjtë kanë nevojë për përkrahje, që të vijojnë të na bëjnë krenar nëpër gara ndërkombëtare.
