Me shumë gjasa, tashmë termi “biznesmeni gay nga Tepelena” do të jetë sekondar përpara “Ilirjani” brandi i ri që lindi në pasarelat e javës së modës në New York ku dhe fitoi vëmendje të madhe.
Ky emër u dëgjua të pëshperitet më së shumti nga të ftuarit e djeshëm në triologjinë e fashion-it aziatik “Korea Concept”. Revista dhe portale te njohura si “Vogue” apo “Metropolitan” morën përshtypjet dhe ndjesitë e para të Ilirjanit fill pas sfilatës.
Fustani me të cilin u hap sfilata e brandit korean “BESFXXXK” të sponsorizuar dhe të mbeshtetur nga qeveria koreane, u pagëzua me emrin “Ilirjani” apo siç tingëlloi nga stilistët “Illirxhani”.
Jo vetëm sepse Elton Ilirjani ishte për të dytën herë radhazi “fytyra hapëse” apo siç njihet në gjuhën e modës “first face” por edhe për faktin e thjeshtë se mori vëmendjen e të ftuarve dhe jo vetëm.
Termi “first face” i është asociuar gjithnjë emrave te njohur te modës si Cindy Crawfod, Linda Evangelista, Claudia Schiffer apo Naomi Campbell, të cilat më së shumti janë zgjedhur për të hapur sfilatat e brand-eve më prestigjoze ndër vite.
Për Top Channel, Ilirjani u shpreh shkurt “Ky është vetëm fillimi”.Duket se Elton Ilirjani do të vazhdojë në industrinë e modës, ndërsa komentet nga Shqipëria janë të dyzuara për biznesmenin.
