Sinjale pozitive nga Origi, ja kur mund të kthehet! Maignan, kontrollet në Francë

1 javë më parë
Sinjale pozitive nga Origi, ja kur mund të kthehet! Maignan, kontrollet në Francë

Trajneri i Milanit, Stefano Pioli, shpreson të mirëpresë Divock Origi-n përsëri në grup për një ndeshje vendimtare që do ta shohë sulmuesin me shume mundesi të kthehet në Angli, per transferten e veshtire ndaj Chelsea-t ne Champions League.

Origi ka qenë duke kuruar një problem muskulor që nga ana tjetër ka shkaktuar ndezjen e një problemi të tendinit dhe e ka detyruar atë të humbasë ndeshjet e fundit. Aktualisht ai ndodhet në Belgjikë duke punuar me mjekun e kombëtares dhe shpreson të rikthehet sa më shpejt.

Sipas lajme të fundit nga MilanNews, rikuperimi i Origit po ecën mirë dhe sulmuesi belg po ndihet shumë më mirë. Ai duhet të kthehet në fushë javën e ardhshme, ku do të synojë të rikthehet në formë fizike.

Milani ka vendosur objektivin e një rikthimi për Origin në ndeshjen kundër Chelseat më 5 tetor, në atë që do të jetë e para e një ndeshje vendimtare të njëpasnjëshme kundër skuadrës së Premier League në fazat e grupeve të Ligës së Kampionëve dhe qe do ndiqet nga ndeshja Milan-Juventus.

Sakaq, Mike Maignan u detyrua të largohej gjatë pjesës së parë të ndeshjes së mbrëmshme të Ligës së Kombeve ndërmjet Francës dhe Austrisë. Portieri i Milanit akuzoi një dhimbje në pulpe, shtrirja muskulore e së cilës ende nuk është e qartë.

Për të mësuar, sipas asaj që raportoi versioni online i Gazzetta dello Sport mëngjesin e sotëm, Mike do të bëjë kontrolle me kombëtaren franceze në mëngjes dhe më pas do të kthehet në Milano ku do të kujdeset nga mjekët kuqezi.