Spiunë apo blogerë?! E akuzuar edhe më parë për spiunazh, reagon 33-vjeçarja ruse: Ja kush na sponsorizon…

3 muaj më parë
Spiunë apo blogerë?! E akuzuar edhe më parë për spiunazh, reagon 33-vjeçarja ruse: Ja kush na sponsorizon…

Ministri i Mbrojtjes Niko Peleshi, deklaroi ditën e sotme se personat e future në uzinën e Gramshit, ende nuk dihet nëse janë blogerë apo agjentë të huaj, por gjithsesi për ata është hapur një hetim sit ë dyshuar për spiunazh dhe deri në përfundim të hetimeve nuk mund të jepet asnjë gjykim, është shprehur Peleshi.

Menjëherë pas kësaj deklarate, 33-vjeçarja Svetlana Timofoeva ka deklaruar përmes rrjetev të saj sociale se ata fotografojnë vende të ndryshme, vetëm për t’i postuar në rrjetet e tyre sociale. Më tej ajo vijon duke u shprehur se asnjë agjensi inteligjence nuk i pagua ata për udhetimet e tyre, apo për pajisjet që përdorin. Të njëjtën gjë ka pohuar edhe 23-vjeçari Mikhail Zorin.

Svetlana njihet në Instagram, ku ndiqet nga 253 mijë përdorues, si Lana Sator dhe e përshkruan veten si një fotografe që shkrep foto të trashëgimeve të shekullit të XX dhe të godinave të braktisura.
Por, mesa duket, kjo nuk është hera e parë që 33-vjeçarja ruse akuzohet për spiunazh. Në një postim të bërë një vit më parë, ajo sqaron se blogu i saj nuk sponsorizohet nga ndonjë inteligjencë e huaj.

Përkundrazi, thotë ajo, paratë për biletat, udhëtimet dhe pajisjet me të cilat filmon, i nxjerr nga xhepi i saj, duke treguar se sponsorizon vete cdo shpenzim. Sipas asaj që thotë Svetlana, këtë punë ajo e bën prej 15 vitesh.Siç tha dhe ministri Peleshi më herët në deklaratën e tij, tani mbetet vetëm për t’u zbuluar përfundimisht nëse kemi të bëjmë me tre turistë “aventurierë” apo për diçka tjetër më serioze.

Postimi i Svetlana Timofoeva-s në Instagram, 4 tetor 2021
“Kush qëndron pas këtij blogu?
Kush i financon të gjitha këto udhëtime? Si i gjeni këto vende? Ku janë aventurat e ardhshme dhe si mund të mbështeten ato? A mund të blej reklama në blogun tuaj?

Shpesh marr pyetje si kjo – dhe vazhdoj ta shoh blogun tim të referuar diku në internet si “projekti i fotografisë Lana Sator” – edhe pse @lanasator është vetëm një person. Unë udhëtoj shumë, vetëm kështu – blej biletat, gjej një vend për të qëndruar, kap çantën e shpinës dhe nis rrugën! Këtë e bëj prej më shumë se 15 vitesh.
Blogu im nuk sponsorizohet nga ndonjë inteligjencë e huaj, për të cilën do të përpiqesha të gjeja dhe të tregoja vende të ndryshme të harruara. Të gjitha pajisjet janë të miat, askush nuk më jep kamerën dhe nuk më thotë se çfarë të shkrep.

Meqë ra fjala, ka një mënyrë për të mbështetur blogun tim pa rezervuar guida ose pa blerë printime – thjesht tregoni miqve tuaj për faqen time. Në fund të fundit, ju jeni abonuar tek unë sepse është interesante- po sikur të mos jetë vetëm për ju?

Nëse ju pëlqen diçka këtu, thjesht postoni ose fotografoni çdo postim në story ose në ndonjë rrjet tjetër social me një link aktiv në llogarinë time.”
Ditëve të fundit ajo kishte shpërndarë në mediat e saj sociale pamje nga godina të braktisura në Shqipëri.