“Tur force” në Serie A: nga tani te Kupa e Botës vetëm 4 data pa ndeshje!

2 muaj më parë
“Tur force” në Serie A: nga tani te Kupa e Botës vetëm 4 data pa ndeshje!

Klubet e Serisë A po përgatiten për një turne të vërtetë force në ditët e mbetura para pushimit që do t’i hapë vendin Kupës së Botës Katar 2022 – shkruan Calcio e Finanza. Do të ketë vetëm katër ditë – nga tani deri më 13 nëntor – që nuk do të shohin skuadrat italiane përfshirë në fushë duke marrë parasysh ligën, Kupën e Italisë dhe garat e klubeve UEFA.

Skuadrat do të qëndrojnë “stacionare” në datat 7, 14, 28 tetor dhe 7 nëntor, ndërsa për pjesën tjetër, mes ndeshjeve te parakohshme, shtyrjeve dhe garave të tjera, në gjashtë javë do të luhen 116 ndeshje: 80 në ligë, 28 në Kupat e Europës, 8 në Coppa Italia (raundi i 32-të i eventit për Bologna, Cremonese, Monza, Sampdoria, Spezia, Torino dhe Udinese).

Nga e shtuna e 1 tetorit deri më 13 nëntor – shkruan La Gazzetta dello Sport – do të luhen tetë jave kampionati, katër ditë të grupeve të Champions-it, Evropës dhe Ligës së Konferencës, me shtimin e fazës së 32-të të Kupës së Italisë. Për skuadrat e përfshira në Evropë, Milan, Inter, Juventus, Napoli, Roma, Lazio dhe Fiorentina, turneu përfshin 12 ndeshje në 6 javë.

Një situatë që është rezultat i një kalendari të rishikuar domosdoshmërisht për të lejuar që klubet të ndalojnë mes nëntorit dhe dhjetorit, duke i lënë hapësirë ​​ekipeve kombëtare.

Ndryshimi kryesor sigurisht ka të bëjë me garat e UEFA-s, me fazën e grupeve të Ligës së Kampionëve – për shembull – e cila është kompresuar dhe do të përfundojë në fillim të nëntorit, dhe jo në dhjetor si zakonisht.