Rudina Dembacaj ka zgjedhur që të bëjë një udhëtim gocash. Aktorja ndodhet në Venecia dhe sot ka treguar se shoqërohet nga Viktoria dhe vajza e Markut, Erta Frroku.
Të tre gocat shfaqen duke pozuar së bashku dhe duket se po ja kalojnë për mrekulli.“Udhëtim gocash. Vajzat e mia”, shkruan Rudina duke treguar se ajo e konsideron Ertën si vajzën e saj.
Edhe më parë aktorja ka rrëfyer se ka një marrëdhënie shumë të mirë me vajzën e bashkëshortit dhe nuk heziton herë pas herë të postojë foto me të.
Rudina Dembacaj është një ndër personazhet më të komentuara në medien rozë. Ajo njihet për deklaratat “pa dorashka” dhe natyrën e saj energjike.
Së fundmi Dembacaj tha se dikur vishej me rroba të lira dhe ndihej shumë mirë. Madje ajo është shprehur dje në “ABC News” se ndihej më mirë se tani që vishet dhe blen gjithë kohën rroba të markave të shtrenjta.
“Mendoj që stili mund të vijë me gjëra shumë të lira. Mund të vijë me gjëra pambuku, të sajuara vetë. Do ju marrë shembull motrën time, që me lecka të vishet ka aq shumë stil sa ti nuk e kupton fare se ku i ka blerë. Ju betohem se unë kam blerë gjithë jetën rroba të lira, por edhe shumë të lira dhe jam ndjerë gjithmonë mirë, përkundrazi jam ndjerë shumë fashion. Më fashion atëherë se sa sot që kujdesem të kem për statusin marka, apo prit se duhet të jetë cilësore”, u shpreh Rudina Dembacaj.
