Milani ka depozituar kontraten e Divock Origi ne Lega Calcio dhe ka zyrtarizuar transferimin e tij. “AC Milan ka kënaqësinë të njoftojë se ka regjistruar futbollistin e Divock Origi. Sulmuesi belg ka nënshkruar kontratë me klubin kuqezi deri më 30 qershor 2026.
Origi, i lindur në Ostend (Belgjikë) më 18 Prill 1995, u rrit në Sektorët e të Rinjve të Genk dhe Lille, duke debutuar në ekipin e parë me klubin francez në vitin 2013. Pas 89 ndeshjeve dhe 16 golave për Lille, ai u transferua te Liverpool dhe në dy sezonet e para me Reds ai shënoi 21 gola në 77 paraqitje, përpara se të kalonte në huazim te Wolfsburg me të cilin shënoi 7 gola në 36 ndeshje.
Në vitin 2018 ai u rikthye në Liverpool me të cilin shënoi 98 paraqitje të tjera dhe 20 gola, duke fituar 1 Premier League, 1 FA Cup, 1 Kupën e Ligës, 1 Champions League, 1 Superkupë Evropiane dhe 1 Kupën e Botës për Klube.
Origi bëri debutimin e tij në ekipin kombëtar në vitin 2014 dhe krenohet me 32 paraqitje dhe 3 gola për Belgjikën, prej të cilëve u bë golashënuesi më i ri në një Botëror në edicionin 2014″.
Sipas asaj që u raportua nga Peppe Di Stefano, i cili foli drejtpërdrejt në Sky Sport 24, mes ditës së sotme dhe nesër, Milani dhe Crotone do ta mbyllin marrëveshjen me Messias me shifra më të ulëta, rreth 4 milionë euro, krahasuar me ato të rënë dakord verën e kaluar. Braziliani, i cili do të mbërrijë përgjithmonë te kuqezinjte dhe pritet në qendrën sportive Milanello gjatë fundjavës.
